Lirim Qamili po kalon formë tejet të mirë me skuadrën e Sonderjyskes në kampionatin elitar të Danimarkës.
Ndonëse skuadra e tij humbi të dielën në ndeshjen e xhiros së 13-të, Qamili la gjurmë me një gol e një asistim.
Ai tani ka gjashtë gola në total e dy asistime. Qamili shënoi nga penalltia për 2:1 në minutën e 58-të, ndërsa asistoi në golin për 3:2 në minutën e 75-të.
Qamili e kompletoi ndeshjen bashkë me Sefer Eminin.
17-vjeçari Olti Hyseni luajti deri në minutën e 58-të.
Sonderjyske ka 11 pikë në 13 ndeshje dhe është në pjesën e poshtme të tabelës.
