Garnacho i mungon Argjentinës për ndeshjet e tetorit

Sulmuesi i Manchester Unitedit, Alejandro Garnacho, do t’i mungojë përfaqësueses së Argjentinës në ndeshjet e këtij muaji,  që i takojnë kualifikimeve për Botërorin e vitit 2026. Kështu ka raportuar të hënën “TyC Sports”.

Mësohet se Garnacho do të mungojë për shkak të problemeve fizike.

Argjentina më 10 tetor do të luaj ndaj Venezuelës dhe më 16 tetor ndaj Bolivisë.

Garnacho me Argjentinën ka shtatë ndeshje të zhvilluara.

Këtë edicion me Unitedin ka katër gola të realizuar dhe tri asistime në 11 paraqitje në të gjitha garat.