Mbrojtësi i Prishtinës, Dion Gallapeni, ka thënë se, ka realizuar ëndrrën pas paraqitjes së parë me fanellën e Kosovës. Gallapeni u inkuadrua në minutën e 87-të në ndeshjen ndaj Islandës në ndeshjen kthyese të plejofit për Ligën B të Ligës së Kombeve.
Kosova fitoi 3:1 dhe edicionin e ardhshëm do të paraqitet në Ligën B.
“Është ëndërr e bërë realitet. Kjo kishte vlerë edhe më shumë, pasi kaluam në Ligën B. Pres dhe dua të jem edhe në të ardhmen pjesë e Kosovës. Shpresojmë të arrijmë diçka të madhe me kombëtaren”, ka thënë Gallapeni.
