Shqipëria e ka nisur me humbje kampanjën në edicionin e dytë të Ligës së Kombeve për futbolliste.
Të premten mbrëma në Durrës, Shqipëria pësoi 2:1 nga Ukraina. Ndeshja i takoi Grupit 4 të Ligës B të Ligës së Kombeve.
Ukraina shënoi në minutën e 31-të dhe në minutën e 48-të.
Ndërkohë golin për Shqipërinë e shënoi Fortesa Berisha në minutën e 95-të.
Në grup me Shqipërinë janë edhe Kroacia e Çekia. Me Çekinë, Shqipëria luan të martën në udhëtim.
Në Ligën B, Shqipëria ishte edhe në edicionin e parë të Ligës së Kombeve. Por kishte mbetur e fundit në grup.
