Futboll

Futbollistet e Kosovës U19 fitojnë ndaj Malit të Zi

Futbollistet U19 te Kosoves

Goli i sulmueses Elona Paci e ka vendosur ndeshjen miqësore ndërmjet Kosovës U19 dhe Malit të Zi U19. 

Futbollistet e reja të Kosovës fituan ndaj atyre të Malit të Zi të mërkurën në Kampin Nacional në Hajvali, me rezultatin 1:0. 

Dhe miqësorja e parë për përgatitje për kualifikimet e Kampionatit Evropian të vitit të ardhshëm, ishte e suksesshme. 

Kosova U19 e drejtuar nga selektorja Albina Rrahmani është në Grupin 1 të Ligës A, bashkë me Gjermaninë, Danimarkën dhe Greqinë. 

Kosova dhe Mali i Zi luajnë sërish në miqësore më 30 shtator. 

Kosova U19 ciklin kualifikues për “Euro 2025” e nis kundër Gjermanisë më 27 nëntor, në udhëtim te Gjermania.  Më 30 nëntor luan në udhëtim sërish, te Danimarka. 

Ndërkohë, ndeshjen e fundit e zhvillon në shtëpi ndaj Greqisë.