Ashtu si pritej, Dukagjini ka shënuar fitore ndaj Feronikelit 74.
Ndeshja e së dielës në Klinë i takoi xhiros së 31-të të Superligës së Kosovës në futboll.
Skuadra nga Drenasi kaloi në epërsi në mesin e pjesës së parë, kur shënoi Sokol Kiqina.
Por vendasit u kthyen në pjesën e dytë. Hekuran Berisha barazoi në minutën e 48-të, ndërsa për 2:1 realizoi Egzon Sinani në minutën e 72-të.
Kjo ishte ndeshja e vetme e Superligës e luajtur të dielën.
Me fitore, Dukagjini doli në vendin e gjashtë me 40 pikë. Feronikeli 74 është i fundit me 15 pikë dhe tashmë është pa gjasa për mbetje në elitë.
