Finalja e Kupës së Kosovës mes Ballkanit dhe Prishtinës do të luhet në stadiumin “Rexhep Rexhepi” në Drenas më 22 maj nga ora 15:00, ka njoftuar klubi kryeqytetas në Facebook të premten [17 maj].
Federata e Futbollit të Kosovës e kishte caktuar para një jave datën dhe orën e finales së Kupës, por jo stadiumin. Stadiumi “Fadil Vokrri”, në të cilin janë luajtur ndeshje finale, është në renovim.
“Finalja e Kupës zhvillohet në Drenas, në stadiumin "Rexhep Rexhepi", të mërkurën më 22 maj nga ora 15:00”, ka shkruar “FC Prishtina” në Facebook.
Skuadra prishtinase është fituese në fuqi e Kupës, ndërsa Ballkani është kampion në fuqi.
Prishtina ka fituar tetë Kupa gjatë historisë, ndërsa skuadra suharekase po kërkon të parën.
LEXO EDHE:
