Mbrojtësi i pensionuar nga futbolli, Leonardo Bonucci, ka bërë të ditur se ëndrra e tij ka qenë të luajë në “Euro 2024”, para se të pensionohej nga futbolli aktiv.
Ish-mbrojtësi i Juventusit, Bonucci, nuk ka arritur që ta bindë selektorin Luciano Spalletti pas gjashtë muajve të kaluara si i huazuar tek Union Berlini dhe Fenerbahçe.
“Kam ëndërruar që ta përfundojë karrierën me Italinë dhe Juventusin në mënyrë tjetër, por gjithçka duhet pranuar”, ka thënë Bonucci të enjten, shkruan “Football-Italia”.
“Duhet ta pranosh çdo vendim dhe të përgatitesh për ndryshim. Doja ta përfundoja karrierën në moshën 37-vjeçare, por doja të luaja në Evropian”, ka thënë 37-vjeçari Bonucci, i cili u pensionua para disa javësh.
Edhe Bonucci është fitues i Evropianit me Italinë. Ai shënoi në finale kundër Anglisë në “Wembley Stadium”.
