Kampionia e Shqipërisë në futboll, Egnatia dhe Partizani i Tiranës, janë eliminuar të enjten nga kualifikimet e Ligës së Konferencës.
Egnatia nuk e ruajti epërsinë e krijuar nga ndeshja e parë në Islandë kur kishte fituar 1:0 dhe të enjten pësoi humbje në “Loro Boriçi” të Shkodrës me rezultatin 2:0 nga Vikinguri islandez.
Francois Dulysse shënoi autogol në minutën e 28-të, ndërsa Aron Elis Thrandarson, e dyfishoi epërsinë në minutën e 48-të.
Vikinguri avancon tutje me rezultatin e përgjithshëm, 2:1.
Ndërkohë, Partizani luajti pa gola me Iberian gjeorgjiane në “Elbasan Arena” të enjten mbrëma.
Ndeshjen e parë, Partizani i Tiranës e kishte humbur 2:0.
