Drita e nisi ndeshjen furishëm dhe krijoi shpejtë epërsi prej dy golave në udhëtim te Breidabliku i Islandës.
Në fund nuk e ruajti epërsinë e dy golave, por megjithatë, fitoi me rezultatin 2:1 të enjten mbrëma.
Ishte ndeshja e parë e rrethit të dytë kualifikues të Ligës së Konferencës.
Arb Manaj në minutën e tretë dhe Veton Tusha në minutën e 23-të, shënuan gola prej aksioneve mirë të ndërtuara.
Në të dyja golat, asistues ishte Albert Dabiqaj.
Vendësit e ngushtuan epërsinë në minutën e 71-të me Isak Thorvaldssonin, por kjo ishte e tëra nga ta.
Portieri i Dritës, Faton Maloku, u shqua me disa pritje të mira.
Në minutën e 89-të, mbrojtësi Besnik Krasniqi u ndëshkua me kartonin e dytë të verdhë dhe u përjashtua nga loja.
Ndeshja kthyese luhet më 30 korrik në stadiumin “Zahir Pajaziti” në Podujevë.
Drita pranon gol
Drita ka pranuar gol në minutën e 71-të. Isak Thorvaldsson shënoi për islandezët.
Drita me epërsi solide në pjesën e parë
Drita ka shkuar në pushim mes pjesëve me epërsi prej dy golave, në udhëtim te Breidabliku islandez.
Drita po fiton 2:0 në ndeshjen e parë të raundit të dytë kualifikues të Ligës së Konferencës.
Arb Manaj në minutën e tretë dhe Veton Tusha në minutën e 23-të, i shënuan golat në pjesën e parë.
Drita nuk ndalet, shënon edhe golin e dytë
Drita e ka shënuar edhe golin e dytë ndaj Breidablikut.
Pas një aksioni shpejtë të ndërtuar, në fund gol shënoi Veton Tusha. Edhe në golin e dytë asistues ishte mesfushori Albert Dabiqaj.
Drita me start të furishëm
Drita ka nisur furishëm në raundin e dytë kualifikues të Ligës së Konferencës.
Gjilanasit kanë shënuar për 1:0 që në minutën e tretë.
Shënues ishte Arb Manaj.
Drita është në epërsi prej një goli ndaj skuadrës islandeze, Breidablik.
