Dortmundi në gjysmëfinale, eliminon Atleticon në sfidën dramatike

Borussia Dortmundi është kualifikuar në gjysmëfinale të Ligës së Kampionëve.

Pas humbjes 2:1 në ndeshjen e parë me Atletico Madridin, Dortmundi të martën mbrëma në “Ëestfalenstadion”, në atmosferë të zjarrtë, fitoi me rezultatin 4:2.

Edhe ndeshja e dytë çerekfinale ishte shumë intersante.

Julian Brandt në minutën e 34-t dhe Iaan Maatsen në minutën e 39-të shënuan për 2:0 në të mirë të Dortmundit në pjesën e parë.

Madrilenët u përgjigjën fuqishëm në fillim të pjesës së dytë. Mats Hummels shënoi autogol në minutën e 49-të, ndërsa Angel  Correa barazoi në 2:2 në minutën e 64-t.

Dortmundi u kthye megjithatë.  Nicklas Fuellkrug në minutën e 71-të dhe Marcel Sabitzer në minutën e 74-t shënuan gola të bukur për vend në gjysmëfinale të Championsit.

Në gjysmëfinale, Dortmundi takohet me PSG-në. 

Dortmundi shënon edhe golin e katërt

Borussia Dortmundi ka shënuar edhe golin e katërt në ndeshjen ndaj Atletico Madridit.

Për 4:2 shënoi mesfushori Marcel Sabitzer nëminutën e 74-t. Ai realizoi me goditje nga distanca.

Drama vazhdon, Dortmundi sërish në epërsi

Borussia Dortmundi ka kthyer epërsinë në ndeshjen ndaj Atletico Madridit.

Për 3:2 shënoi Nicklas Fuellkrug në minutën e 71-të. Ai shënoi gol të bukur me goditje me kokë.

2:2 në Dortmund

Atletico  Madridi ka barazuar në 2:2 rezultatin në ndeshjen ndaj Borussia Dortmundit. Angel  Correa shënoi në minutën e 64-t pas një ndërhyrje të zbehtë në mbrojtjen gjermane.

Correa u aktivizua si zëvendësues.

Atletico kthehet në lojë

Atletico Madridi është kthyer në lojë në ndeshjen ndaj Dortmundit. 

Rezultati në 2:1 u ngushtua në minutën e 49-të, kur Hummels devijoi topin në portën e tij.

Dortmundi në epërsi pas pjesës së parë

Borussia Dortmundi e ka mbyllur në epërsi pjesën e parë ndaj Atletico Madridit me rezultatin 2:0.

Tani është në epërsi prej një goli ndaj skuadrës spanjolle në rezultat të përgjithshëm.

Julian Brandt realizoi golin e parë në minutën e 35-të të ndeshjes çerekfinale të Ligës së Kampionëve. Në ndeshjen që po luhet në Dortmund, golin e dytë e shënoi Ian Maatsen. Ai realizoi në minutën e 39-të.

Dortmundi shënon edhe golin e dytë

Borussia Dortmundi ka shënuar edhe golin e dytë përballë Atletico Madridit.

Golin e dytë e shënoi Ian Maatsen. Ai realizoi në minutën e 39-të. 

Me rezultat të përgjithshëm, Dortmundi po udhëheq 3:2. 

Shënon Dortmundi

Borussia Dortmundi ka shënuar gol në ndeshjen ndaj Atletico Madridit.

Julian Brandt realizoi në minutën e 35-të të ndeshjes çerekfinale të Ligës së Kampionëve.

Ndeshjen e parë e humbi 2:1. Që do të thotë se rezultati është i barabartë.

Në Dortmund ende nuk ka gol

Ndeshja tjetër çerekfinale e Ligës së Kampionëve po luhet në Dortmund. Skuadra e Dortmundit dhe ajo e Atletico Madridit po luajnë baras pa gola kur kanë kaluar 24 minuta lojë.

Ndeshjen e parë e pati fituar Atletico me rezultatin 2:1.

Formacionet zyrtare: Borussia Dortmund - Atletico Madrid

Borussia Dortmund e Atletico Madrid kanë publikuar formacionet zyrtare të ndeshjes së dytë çerekfinale të Ligës së Kampionëve, e cila fillon në orën 21:00.

Ndeshja do të luhet në stadiumin “Sigal Iduna Park” në Dortmund.

Ndeshja e parë çerekfinale përfundoi 2:1 në të mirë të Atleticos.

Dortmundi

Kobel; Ryerson, Hummels, Schlotterbeck, Maatsen; Sabitzer, Can; Adeyemi, Brandt, Sancho; Fullkrug

Atletico

Oblak; Azbilicueta, Hermoso, Gimenez, Witsel, Molina; De Paul, Koke, Llorente; Griezmann, Morata