Konyaspori edhe pse ishte me dy futbollistë më pak në fushë ka arritur të shënojë fitore ndaj Beshiktashit të Milot Rashicës dhe Ernest Muçit.
Beshiktashi u mposht në udhëtim nga Konyaspori me rezultatin 1:0.
Kjo ndeshje i takoi javës së 28-të të Superligës së Turqisë në futboll.
Fillimisht Melih Bostan u ndëshkua direkt me karton të kuq në minutën e 27-të kurse me kartonin e dytë të verdhë u ndëshkua Alassane Ndao në minutën e 64-t te Konyaspori.
Golin e fitores për vendësit e realizoi Ugurcan Yazgili në minutën e 45-të.
Rashica te mysafirët u paraqit deri në minutën e 80-të kurse Muçi u inkuadrua nga fillimi i pjesës së dytë.
Beshiktashi ka 44 pikë dhe është në zonën që siguron garat evropiane për edicionin e ardhshëm.
Konyaspori ka 31 pikë në vendin e 13-të.
