Sulmuesi i Wolverhamptonit, Matheus Cunha, po akuzohet nga Federata Angleze e Futbollit për sjellje të pahijshme pas ndeshjes ndaj Ipswich Townit.
Të shtunën, Wolverhamptoni u mposht nga Ipswich Towni me rezultatin 2:1.
Pas ndeshjes Cunha dyshohet se u përfshi në një përplasje me një anëtar të stafit të Ipswichit.
Federata angleze i ka dhënë afat deri të enjten sulmuesit brazilian për të kthyer përgjigje për këtë çështje.
Kështu ka raportuar të martën “Sky Sports”.
25-vjeçari këtë edicion në 17 ndeshje të zhvilluara ka realizuat tetë gola dhe ka bërë tri asistime.
Ai është shumë i rëndësishëm për skuadrën e Wolverhamptonit.
Pjesë e klubit anglez është nga vera e vitit të kaluar.
U transferua për 50 milionë euro nga Atletico Madridi.
