Chelsea ka shpenzuar 872 milionë euro në transferime në edicionin e kaluar, sipas publikimit të “Companies House”.
Pagat u rritën për 18 për qind, pra afër 472 milionë euro, e dyta më e larta në Premier League.
Lojtarët që kishin vlerën 691 milionë euro, u shitën për 237 milionë euro, edhe pse rregullat e kontabilitetit nënkuptojnë se ka gjenerim të të ardhurave prej afër 74 milionë eurove.
Qëkur pronar i ri i Chelseat u bë Todd Boehly e deri në 30 qershor të vitit 2023, kostoja totale e skuadrës ka qenë më shumë se 1 miliardë euro.
Më shumë se 525 milionë euro janë shpenzuar në transferime që prej 30 qershorit, por këto përfshihen në llogaritë e sezonit 2023/24.
