Celticu e ka fituar titullin e 13-të në elitën e futbollit skocez në 14 sezone.
Suksesin e këtij edicioni, Celticu e siguroi të shtunën pas fitores 5:0 ndaj skuadrës Dundee United.
Me këtë fitore, ekipi i udhëhequr nga trajneri Brendan Rodgers ka 84 pikë të fituara nga 34 ndeshje.
Deri në fund të kampanjës kanë mbetur edhe katër xhiro.
Vendi i dytë, Rangersi, e ka një ndeshje më pak të luajtur, por nuk mund ta arrijë Celticun në krye të tabelës.
Celticu dhe Rangersi tani kanë nga 55 tituj të fituar.
