Futbollisti kosovar Bersant Celina ka vazhduar me paraqitje të mira në kampionatin elitar të Suedisë. Celina kontribuoi me asistim në fitoren e AIK-ut ndaj Elfsborgut me rezultat 2:0. Ndeshja e javës së gjashtë ndërmjet këtyre dy skuadrave u zhvillua të dielën.
John Guidetti shënoi golin për 2:0 pas super-asistimit të Celinës në minutën e 19-të. Johan Hove shënoi golin e parë në minutën e tretë.
Celina u zëvendësua në minutën e 94-t, ndërsa kapiteni i Elfsborgut, Besfort Zeneli luajti deri në fund të ndeshjes.
Për Celinën 28-vjeçar është asisti i dytë, ndërsa ka edhe dy gola të shënuar në gjashtë ndeshje.
AIK-u është në vendin e parë me 16 pikë.
Elfsborgu zë pozitën e katërt me dhjetë pikë.
