Danezi Morten Krogh do ta drejtojë ndeshjen mes Rumanisë dhe Kosovës që zhvillohet të premten nga ora 20:45 në Bukuresht.
Ndeshja është vendimtare për vendin e parë në Grupin C2 të Ligës së Kombeve të UEFA-s.
Arbitri Krogh do të asistohet nga Victor Skytte e Steffen Bramsen, që po ashtu janë nga Danimarka.
Në shtator Krogh drejtoi ndeshjen mes Anglisë dhe Finlandës. Ka drejtuar disa ndeshje në Ligën e Evropës e po ashtu në Ligën e Kampionëve.
