Bologna e ka fituar edhe ndeshjen e dytë gjysmëfinale të Kupës së Italisë kundër Empolit.
Të enjten mbrëma, Bologna mposhti Empolin me rezultat 2:1. Bologna kalon në finale me rezultat të përgjithshëm 5:1. Ndeshjen e parë ndaj Empolit e fitoi 3:0.
Të enjten golat për Bolognan i shënuan Giovanni Fabbiani në minutën e shtatë dhe Thijs Dallinga në minutën e 86-të.
Golin e vetëm për Empolin e shënoi Viktor Kovalenko në minutën e 33-të.
Bologna ka fituar dy Kupa të Italisë, kurse Milani pesë. Finalja luhet më 14 maj.
