Uran Bislimi ka shënuar gol në fitoren e rëndësishme të Luganos në Superligën e Zvicrës.
Bislimi dhe Lugano të enjten në mbrëmje mposhtën Winterthurin 4:2, në ndeshjen e xhiros së 36-të.
Bislimi realizoi golin e epërsisë 2:1, në minutën e 49-të.
Mesfushori 24-vjeçar ka shtatë gola e shtatë asistime në edicionin aktual të elitës zvicerane.
Amir Shaipi e kompletoi ndeshjen në portë, ndërsa Bislimi luajti deri në minutën e 70-të, atëherë kur nga loja doli edhe qendërsulmuesi Shkëlqim Vladi.
Mbrojtësi Albian Hajdari u inkuadrua në minutën e 79-të.
Mbrojtësi dhe kapiteni i Winterthurti, Granit Lekaj, luajti në tërë ndeshjen te mysafirët.
Lugano ka 65 pikë në vendin e dytë, ndërsa Winterthuri ka 49 pikë në vendin e gjashtë.
Në kampionatin zviceran kanë mbetur edhe dy xhiro.
