Skuadra e Beshiktashit do të dëgjojë oferta për sulmuesin e Shqipërisë, Ernest Muçi në afatin kalimtar të janarit. Kështu ka raportuar të martën mediumi turk “Futboo”.
Për largimin e Muçit është pajtuar edhe trajneri Giovanni van Bronckhorst.
Holandezi Bronckhorst nuk është i lumtur me paraqitjet e reprezentuesit të Shqipërisë këtë edicion.
23-vjeçari Muçi në tetë ndeshje të zhvilluara këtë edicion në të gjitha garat ka shënuar një gol dhe ka bërë një asistim.
Pjesë e gjigantit turk, Beshiktash është prej muajit shkurt. Ai u transferua nga Legia e Varshavës për 10 milionë euro.
