Ardon Jashari shkëlqeu të dielën në fitoren 3:1 të Club Brugge ndaj rivalit lokal, Cercle Brugge.
Ndeshja i takoi kampionatit të Belgjikës, ku 22-vjeçari po shfaq nivel shumë të lartë.
Jashari asistoi në një gol dhe ishte prej më të mirëve në fushë. Por spektaklin e vërtetë ai e bëri pas ndeshjes. Mori flamurin e Club Brugge dhe vrapoi deri në gjysmë të fushës. Madje e nguli shtizën e flamurit në mes të fushës dhe për këtë mori brohoritje të tifozëve të skuadrës së tij. Por ndryshe reaguan lojtarët dhe tifozët e Cercle Brugge, që ishte skuadër vendase.
VIDEO:
🚨🇧🇪 Tense moment in the Bruges derby! 😳
Ardon Jashari sticks a Club Brugge flag on Cercle Brugge's pitch after a 3-1 victory. pic.twitter.com/2UpbyTx4aF— EuroFoot (@eurofootcom) March 9, 2025
Derisa Jashari po vraponte me flamur në dorë, disa lojtarë të ekipit kundërshtar iu afruan shqiptarit.
Pasi e nguli shtizën në mesfushë, në shenjë dominimi të Club Brugge, u krijua një tollovi mes lojtarëve, ndërsa kishte edhe shtyrje tët shumta. Flamuri u largua shpejt nga lojtarët e Cercle Brugge.
Dy klubet e ndajnë stadiumin dhe veprimi i Jasharit u vlerësua si shenjë që stadiumi i takon Club Brugge.
Derisa është larguar nga fusha, Jashari është fishkëllyer nga tifozët e Cercle Brugge. Por ai është përgjigjur duke treguar fanellën e skuadrës dhe duke e puthur atë.
Përkrahja e tifozëve të Club Brugge ishte e madhe për Jasharin, përmes komenteve në rrjetet sociale. Ai tashmë është lojtar shumë i pëlqyer nga tifozët e Club Brugge.
VIDEO:
Ardon Jashari, nu al een Brugse cultlegende.🔵⚫️ pic.twitter.com/dMo8iJUbVl
— Yarno Degryse (@yarno_degryse) March 9, 2025
