Tottenham Hotspuri nuk ka arritur që të fitojë pikë në ndeshjen që i takoi javës së 32-të të Premier Leagues.
Tottenhami të dielën pasdite u befasua nga Wolverhamptoni pasi u mposht në udhëtim me rezultatin, 4:2.
Rayan Ait Nouri i kaloi në epërsi vendësit në minutën e dytë.
Djed Spence shënoi autogol në minutën e 38-të për 2:0 në të mirë të Wolverhamptonit.
Tottenhami shifrat i ngushtoi në minutën e 59-të me golin që e realizoi Mathys Tel.
Pesë minuta më pas, Jorgen Strand Larsen, realizoi për 3:1.
Richarlison në minutën e 85-të e shënoi golin e dytë për Tottenhamin por në fund nuk mjaftoi që t’ia rrezikonte fitoren vendësve.
Matheus Cunha e shënoi golin përfundimtar për 4:2 në minutën e 86-të.
Për Wolverhamptonin kjo ishte fitorja e katërt rresht në ligë.
Skuadra e drejtuar nga trajneri, Ange Postecoglou, Tottenhami ka 37 pikë dhe e zë vendin e 15-të.
Wolverhamptoni është një pozitë më poshtë me dy pikë më pak.
