Bayern Munichu ka vazhduar sigurt në Bundesligë dhe nuk ka lejuar befasi.
Bavarezët të shtunën në xhiron e 13-të të Bundesligës, e mposhtën Heidenheimin 4:2.
Dayot Upamecano shënoi në minutën e 18-të për 1:0, ndërsa mysafirët befasuan me golin e shënuar nga Mathias Honsak, pesë minuta pasi nisi pjesa e dytë.
Vetëm gjashtë minuta zgjati gëzimi i tyre, pasi Jamal Musiala shënoi për 2:1, në minutën e 56-të.
Për 3:1 realizoi Leon Goretzka në minutën e 84-t, ndërsa dy minuta më vonë, Niklas Dorsch, realizoi për 3:2.
Musiala realizoi edhe një herë tjetër në minutën e parë të kohës shtesë, për rezultatin përfundimtar.
Mesfushori me prejardhje nga Prizreni, Arijon Ibrahimoviq, luajti nga minuta e 92-të te gjiganti gjerman.
Bayerni lider ka 33 pikë, ndërsa Heidenheimi ka 10 pikë, pas 13 ndeshjeve të luajtura.
