Bayern Muncheni është lider në Bundesligë me 42 pikë.
Të shtunën ekipi bavarez synon që të shkëputet edhe më shumë në elitën e futbollit gjerman, me fitore ndaj Wolfsburgut në “Allianz Arena”, nga ora 15:30.
Ndeshja i takon xhiros së 18-të.
Fitorja më e thellë e Bayernit ndaj Wolfsburgut është 6:0 në ndeshjen që është zhvilluar në vitin 2019.
Bayerni është në seri prej gjashtë fitoreve rresht në shtëpi ndaj Wolfsburgut.
Wolfsburgu ka 27 pikë dhe është në vendin e shtatë.
Në pozitën e dytë është kampioni në fuqi i Bundesligës, Bayer Leverkuseni.
Leverkuseni të shtunën nga ora 18:30 do të përballet me Borussia Monchengladbachun.
Për Granit Xhakën ndeshja ndaj Monchengladbachut është e veçantë.
Xhaka nga vitit 2012 deri në vitin 2016 ishte pjesë e kësaj skuadre.
Monchengladbachu ka 24 pikë në vendin e 11-të.
Ndeshje tjetër interesante që luhet në kuadër të javës së 18-të është ajo ndërmjet Stuttgartit dhe Freiburgut.
Kjo ndeshje luhet të shtunën nga ora 15:30.
