Skuadra e Bayern Munchenit të shtunën pasdite ka pësuar disfatë 3:2, ndaj Heidenheimit dhe është shkëputur edhe më shumë nga gara për titull kampioni.
Ndeshja i ka takuar xhiros së 28-të të Bundësligës gjermane.
Në pjesën e parë, bavarezët ishin në epërsi me dy golat e Harry Kane dhe të Serge Gnabryt, të cilët shënuan në minutën e 38-të dhe të 45-të.
Por në pjesën e dytë ndryshoi gjithçka.
Skuadra e Heidenheimit e përmbysi rezultatin.
Kevin Sessa realizoi për 2:1 në minutën e 50-të.
Një minutë më vonë, Tim Kleindienst barazoi për 2:2.
Golin e fitores për Heidenheimin e shënoi po i njëjti lojtar në minutën e 79-të.
Me këtë humbje, gjiganti gjerman, Bayern Munchen mbetet në pozitën e dytë në tabelë me 60 pikë, 16-të më pak se Bayer Leverkuseni.
Heidenheimi në pozitën e dhjetë ka 33 pikë.
