Bayern Muencheni i ka fituar tre pikët e vlefshme për javën e 18-të të Bundesligës gjermane.
Bayerni të shtunën në shtëpi e mposhti Wolfsburgun me rezultatin 3:2.
Leon Goretzka shënoi për 1:0 në minutën e 20-të.
Mysafirët reaguan shpejtë pasi katër minuta më pas Mohamed Amoura i barazoi shifrat.
Për vendësit golin e dytë e shënoi Michael Olise në minutën e 39-të.
Bayernit iu anulua një gol në minutën e tretë shtesë të pjesës së parë për shkak të prekjes me dorë të mesfushorit gjerman, Joshua Kimmich.
Për 3:1 shënoi sërish Goretzka në minutën e 62-të.
Amoura e realizoi edhe golin e dytë për mysafirët në minutën e 88-të.
Bayerni mbetet lidë me 45 pikë.
Wolfsburgu ka 27 pikë dhe po lufton për zonën që siguron garat evropiane për edicionin e ardhshëm.
