Marco Baroni është trajner i ri i Lazios. Ish-trajneri i Hellas Verona e zëvendëson Igor Tudorin.
60-vjeçari Baroni e fillon punën më 1 korrik, ndërsa kontrata e tij me Lazion është shumëvjeçare.
Vetëm të hënën Baroni shkëputi kontratën me Veronan. Tudor kishte qëndruar në krye të Lazios më pak se tre muaj, ndërsa dha dorëheqje javën e kaluar.
Lazio përfundoi e shtata në Serie A në edicionin e kaluar dhe u kualifikua në Ligën e Evropës.
Lecce, Frosinone e Benevento janë skuadrat tjera që i ka drejtuar Baroni.
