Skuadra e Barcelonës e ka konfirmuar lëndimin e rëndë të portierit gjerman, Marc-Andre ter Stegen.
Ter Stegen u lëndua rëndë në ndeshjen e së dielës ndërmjet Barcelonës dhe Villarrealit. Ai u detyrua të zëvendësohej në fund të pjesës së parë me Inaki Penan. Sipas njoftimit të Barçës, Ter Stegen e ka lënduar gjurin. 32-vjeçari do t’i nënshtrohet një operimi dhe më pas do të saktësohet sa do t’i mungojë Barçës.
Por sipas raportimeve të mediumeve spanjolle, reprezentuesi gjerman do ta humbë gjithë edicionin 2024/2025.
Ter Stegen ka qenë startues në shtatë ndeshjet e zhvilluara këtë edicion. Është prej pikave të forta të Barcelonës.
