Atletico Madridit ka shënuar fitore të thellë ndaj Real Valladolidit me rezultatin 5:0. Ndeshja u luajt të shtunën në mbrëmje dhe i takoi xhiros së 15-të të La Ligas.
Për 1:0 në minutën e 26-të realizoi mbrojtësi francez, Clement Lenglet.
Julian Alvarez në minutën e 35-të i dyfishoi shifrat.
Dy minuta më pas, Rodrigo de Paul shënoi për 3:0.
Golin e katërt e realizoi Antoine Griezmann në minutën e 52-të kurse për 5:0 në minutën e 92-të shënoi Alexander Sorloth.
Atletico ka 32 pikë dhe renditet në pjesën e epërme të tabelës.
Valladolidi është në vendin e fundit në tabelë me nëntë pikë.
