Xhiron e kaluar skuadra e Atalantas u mposht nga Interi me rezultatin 2:0 ndërsa të dielën ka pësuar tjetër disfatë.
Atalanta u mposht në udhëtim nga Fiorentina me rezultatin 1:0.
Kjo ndeshje i takoi javës së 30-të të Serie A.
Golin e fitores për vendësit e realizoi sulmuesi italian, Moise Kean, në minutën e 45-të.
Kapiteni i Shqipërisë, Berat Gjimshiti, e kompletoi ndeshjen te mysafirët.
Atalanta ka 58 pikë dhe renditet në pozitën e tretë. Fiorentina ka shtatë pikë më pak dhe e zë vendin e shtatë.
