Asistimi i mesfushorit me tipare sulmuese, Enis Bardhit, nuk i ka mjaftuar Bodrumsporit të shtunën mbrëma.
Bodrumspori u mposht në shtëpi nga Samsunspori me rezultatin 2:1 në ndeshjen që i takoi javës së 33-të të Superligës së Turqisë në futboll.
Bardhi asistoi te goli i epërsisë që e realizoi Ahmet Aslan në minutën e katërt.
Ai së bashku me Arlind Ajetin e kompletuan ndeshjen kurse bashkëlojtari i tyre, Taulant Seferi, luajti derinë minutën e 60-të.
Arbnor Muja në lojë u inkuadrua nga minuta e 88-të te Samsunspori.
29-vjeçari Bardhi këtë edicion ka tri asistime dhe dy gola.
Samsunspori ka 54 pikë dhe është në zonën që siguron garat evropiane për edicionin e ardhshëm.
Bodrumspori renditet në pozitën e 17-të me 34 pikë dhe po lufton për mbetje në elitë.
