Skuadra e Arsenalit është ndalur në barazim nga Brightoni në kuadër të xhiros së tretë të Premier Leagues. Arsenali dhe Brightoni barazuan me rezultatin 1:1.
Vendësit kaluan të parët në epërsi me golin që e realizoi Kai Havertz në minutën e 38-të me asistimin e Bukayo Sakas.
Joao Pedro në minutën e 58-të i barazoi shifrat në 1:1 për Brightonin.
Arsenali nga minuta e 49-të ishte me një futbollist më pak në fushë, pasi mesfushori Declan Rice u ndëshkua me karton të kuq.
Arsenali është në pozitën e dytë me shtatë pikë. Me pikë të njëjta është Brightoni në vendin e parë.
