Skuadra e Arsenalit ka fituar ndaj Southamptonit me përmbysje të rezultatit. Arsenali të shtunën në shtëpi e mposhti Southamptonin me rezultatin 3:1.
Ndeshja ishte e vlefshme për xhiron e shtatë të Premier Leagues.
Mysafirët kaluan të parët në epërsi në minutën e 55-të me golin që e realizoi Cameron Archer.
Vendësit shifrat në 1:1 i barazuan tre minuta më vonë me sulmuesin Kai Havertz.
Golin e dytë e shënoi Gabriel Martinelli në minutën e 68-të.
Për 3:1 shënoi Bukayo Saka në minutën e 88-të.
Arsenali është në pozitën e tretë me 17 pikë, ndërsa Southamptoni është në i parafundit me një pikë.
