Liria në xhiron e kaluar u bë skuadra e parë që ra nga elita e futbollit të Kosovës në këtë edicion.
Por, Liria të shtunën në stadiumin “Sami Kelmendi” në Lipjan, shkaktoi befasi duke e mposhtur 2:0 në udhëtim Fushë Kosovën, në ndeshjen e xhiros së 31-të.
Edhe Fushë Kosova rrezikon rënien nga Superliga.
Supergol për Lirinë shënoi Aldi Gjumsi në minutën e tretë për 1:0.
Pas gjysmë ore lojë, Ubong Ekpai e dyfishoi epërsinë për prizrenasit.
Liria e shënoi edhe golin e tretë në minutën e 76-të me Valmir Berishën, por që u anulua për pozitë jashtë loje.
Kjo fitore nuk i ndihmon Lirisë së vendit të fundit që i ka 14 pikë pas 31 ndeshjeve.
Por, ia vështirëson punët Fushë Kosovës, që ka 20 pikë në vendin e parafundit, përkatësisht të nëntin.
Për Fushë Kosovën ishte humbja e pestë rresht, ndërsa Liria fitoi pas 27 ndeshjeve rresht, duke e llogaritur edhe ndeshjen për Kupë.
Liria e shënoi vetëm fitoren e dytë të edicionit.
Në xhiron e 32-të, Fushë Kosova udhëton te Drita, kurse Liria e pret Prishtinën.
