Modelet mbi moshën 40-vjeçare më të kërkuarat e momentit

Mosha nuk është më problem që të jesh modele pasarelash, këtë më së miri e kemi parë në këtë “muaj të modës”.

Në “Javën e modës në Paris” ka pasur shumë momente tërheqëse, por në sfilatat e organizuara nga Balmain, Vetements dhe Miumiu, aspektet më të habitshme të shfaqjeve nuk ishin rrobat në pistë, por mosha e shumë modeleve që i mbanin ato.

Në shfaqjen e mbajtur nga Balmain, në “Javën e modës në Paris”, ishte një letër dashurie nga drejtori kreativ Olivier Rousteing për shtëpinë e tij të fëmijërisë në Bordeaux. Ky koleksion tejet interesant kishte aksesorë prej kërmilli, ari të përdredhur që vareshin nga veshët dhe si kopsa rripi, çanta dore metalike të hedhura në tufa rrushi, të cilët më vonë u shërbyen në minifustane të mbështjellë me diamant të rremë.

Por aspekti më i spikatur i spektaklit nuk ishin rrobat në pistë, por mosha e shumë modeleve që i mbanin ato. Ishte e pamundur të injorohej se shumë prej tyre ishin më të vjetra në moshë, por dukeshin fantastike në skenë.

Në total, 20 nga 57 modele ishin më të vjetra se 35 vjeç.

Z. Rousteing nuk ishte i vetmi stilist që u ndje kështu. Falë presionit në rritje në industri për të përmirësuar përfaqësimin, gratë e moshës së mesme dhe mbi moshën e mesme janë bërë një pamje më e zakonshme në pistë. Këtë sezon megjithatë ishte e pamundur të injorohej numri i tyre në rritje.

Sipas motorit të kërkimit të modës “Tagwalk”, afërsisht tri të katërtat e 20 shfaqjeve më të mira të pistave në Paris dhe Milano paraqisnin të paktën një model më të vjetër.

Në Nju-Jork muajin e kaluar “Batsheva” ka përzgjedhur vetëm modele mbi moshën 40-vjeçare.

Disa nga gratë e moshuara në pista ishin legjenda modele, shumë prej të cilave tani janë kthyer të rregullta në pistë. Në Vetements aktorja Marcia Cross, 61 vjeç, e njohur më mirë si Bree Van de Kamp në serialin televiziv "Shtëpiake të dëshpëruara", mbylli shfaqjen.

Në Miu Miu, Miuccia Prada zgjodhi aktoret Kristin Scott Thomas, 63 vjeç dhe Ángela Molina, 68 vjeç, por edhe Qin Huilan, 70 vjeç, një mjek kinez i kthyer në influencë të mediave sociale nga Shangai. Zonja Prada tha se koleksioni i saj ishte një eksplorim i veshjeve nga fëmijët deri në moshën madhore dhe në veçanti nocionet e vajzërisë.