Ukraina mposht Sllovakinë, gjithçka e hapur për kalim tutje

Sllovakia humbi mundësinë për të siguruar kalimin në raundin nokaut të Evropianit “Gjermania 2024”. Ukraina të premten ka arritur fitore të rëndësishme me rezultat 2:1, ndaj Sllovakisë në kuadër të grupit E. Ndeshja u zhvillua në stadiumin “Merkur Spiel-Arena” në Dusseldorf.

Pjesën e parë, Sllovakia e mbylli me epërsi 1:0.

Në minutën e 17-të, sulmuesi i krahut Ivan Schranz e shënoi golin e epërsisë për Sllovakinë. Pjesën e dytë, Ukraina e filloi më mirë ndeshjen. Mesfushori Mykola Shaparenko pas asistimit të Oleksandr Zinchenkos në minutën e 54-të e barazoi rezultatin në 1:1. Sllovakia tentoi t’i në disa raste ta shënoj golin e dytë, por Ukraina ishte më efikase para portës. Në minutën e 80-të Roman Yaremchuk e përmbysi rezultatin në 2:1, dhe ia siguroi fitoren e parë në “Euro 2024”, Ukrainës.

Sllovakët kishin edhe disa raste të mira shënimi në fund të takimit, por që nuk arritën t'i konkretizojnë në gol.

Në ndeshjen e parë të grupit E, Sllovakia fitoi ndaj Belgjikës, ndërsa Ukraina u mposht nga Rumania.

Ukraina me fitore renditet në vendin e dytë me tre pikë. Me pikë të njëjta është edhe Sllovakia që renditet në pozitën e tretë.