Mesfushori i Barcelonës, Pedri, ka thënë se nuk e pëlqen mënyrën e reagimeve të Antonio Ruedigerit, mbrojtësit të Real Madridit.
Pedri e Ruediger janë përballur disa herë në edicionin e fundit në duelet Barcelona – Real Madrid.
Sërish do të luajnë kundër njëri-tjetrit në çerekfinale të “Euro 2024”, kur Spanja dhe Gjermania takohen të premten nga ora 18:00 në Stuttgart.
“Ai është mbrojtës qendror shumë i fuqishëm dhe shumë i mirë, por nuk kemi frikë nga ai. Veprimet e tij janë mungesë respekti dhe është e neveritshme”, ka thënë të enjten Pedri për “RadioMarca”.
