Sulmuesi i Juventusit Arkadiusz Milik do të jetë një mungesë e madhe për përzgjedhësin e Polonisë Michal Probierz për ndeshjet e Evropianit “Gjermania 2024”. Milik ka pësuar lëndim në fitoren 3:1 të Polonisë të premten mbrëma ndaj Ukrainës, ka raportuar të shtunën “Reuters”.
Milik ishte ndihmesë e madhe për Poloninë në repartin ofensivë së bashku me sulmuesin e Barcelonës, Robert Lewandowski. Për Milikun do të jetë Evropiani i dytë që mungon shkaku i lëndimeve.
Në “Euro 2020”, 30-vjeçari ishte lënduar në ndeshjen e fundit të sezonit me skuadrën e Olympique Marseille, dhe i kishte munguar përfaqësueses së Polonisë.
19-vjeçari Kacper Urbanski do ta zëvendësojë Milikun te Polonia.
Polonia në “Euro 2024”, është në Grupin D së bashku me Holandën, Austrinë dhe Francën.
