Debutuesja e vetme në Euro 2024, ka vazhduar të shkruaj histori.
Të mërkurën mbrëma në Gelsenkirchen, Gjeorgjia e mposhti Portugalinë e Cristiano Ronaldos dhe kështu bëri vend në një të tetën e finales.
Gjeorgjianët fituan me rezultatin 2:0 dhe kualifikohen nga pozita e tretë e Grupit F. Gjeorgjia i mblodhi katër pikë, dy më pak se Turqia e pozitës së dytë. Portugalia e ka fituar grupin po ashtu me gjashtë pikë, ndërsa Çekia mbeti e fundit me një pikë dhe u eliminua.
Ndeshja nisi shumë mirë për gjeorgjianët luftarakë.
Ylli i kësaj përfaqësuese, Khvicha Kvaratskhelia shënoi për 1:0 që në minutën e dytë.
Në minutën e 57-të nga pika e bardhë realizoi Georges Mikautadze, për të konfirmuar fitoren e Gjeorgjisë.
Ronaldo me tjetër paraqitje në Evropian
Cristiano Ronaldo do t’i prijë sulmit të Portugalisë sërish, në ndeshjen kundër Gjeorgjisë.
Portugezët kanë avancuar tutje nga vendi i parë në grup pas dy fitoreve.
Ronaldo ka luajtur 49 ndeshje në Kampionatet Evropiane dhe Botërore.
Por, mund të bëhet lojtari i parë evropian në histori që paraqitet në 50 ndeshje.
Formacioni i Portugalisë:
Costa, Inacio, Danilo, Antonio Silva, Dalot, Neves, Conceicao, Palhinha, Neto, Felix Ronaldo.
Formacioni i Gjeorgjisë:
Mamardashvili, Gvelesiani, Kashia, Lochoshvili, Kakabadze, Dvali, Kochorashvili, Chakvetadze, Keitishvili, Mikautadze, Kvaratskhelia.
Ndeshja mes Gjeorgjisë dhe Portugalisë i takon Grupit F dhe zhvillohet në Gelsenkirschen.
Gjeorgjianëve u duhet fitorja për të shpresuar në avancimin tutje.
Kvaratskhelia, më i miri i ndeshjes
Ylli gjeorgjian, Khvicha Kvaratskhelia u shpall më i miri i ndeshjes Gjeorgji – Portugali.
Ai realizoi golin e parë në fitoren historike të Gjeorgjsë.
“Ai shënoi gol fantastik, mbuloi shumë hapësirë, ka mbajtur topin mirë dhe është mbrojtur kur kjo është kërkuar”, kanë vlerësuar ekspertët e UEFA-s.
Asnjë gol, kjo nuk i kishte ndodhur Ronaldos
Cristiano Ronaldo ka dështuar të realizojë gol në ndeshjet në grup në Euro 2024.
Kjo i ka ndodhur për herë të parë në ngjarjet e mëdha.
Ai ka shënuar në ndeshjet në grup në dhjetë ngjarjet e mëdha në të cilat ka luajtur më parë, Euro 2004, 2008, 2012, 2016 e 2020 si dhe në Botërorët 2006, 2010, 2014, 2018 dhe 2022. Këtë e ka bërë të ditur UEFA.
Mikautadze shënon dhe hyn në histori të Evropianëve
Georges Mikautadze është lojtari i nëntë që shënon në të tria ndeshjet e fazës grupore të një turneu të Evropianit.
Një gjë të tillë më parë e kanë arritur Michel Platini 1984, Alan Shearer 1996, Hristo Stoichkov 1996, Savo Milosheviq 2000, Milan Barosh 2004, Ruud van Nistelrooy 2004, Gareth Bale 2016 dhe Cristiano Ronaldo 2021.
Mikautadze e dyfishoi epërsinë në minutën e 57-të nga penalltia, në duelin kundër Portugalisë.
Gjeorgjia drejt kualifikimit, udhëheq 2:0 ndaj Portugalisë
Gjeorgjia po udhëheq 2:0 ndaj Portugalisë së Cristiano Ronaldos.
Mikautadze shënoi penallti në minutën e 57-të.
Gjeorgjia është debutuesja e vetme në Euro 2024.
Gjeorgjia në epërsi pas pjesës së parë
Ylli gjeorgjian Khvicha Kvaratskhelia ka shënuar që në minutën e dytë të ndeshjes Gjeorgji – Portugali.
Falë golit të tij Gjeorgjia po udhëheq 1:0 pas pjesës së parë.
Me fitore, Gjeorgjia avancon në fazën nokaut të Euro 2024.
Befasi, Gjeorgjia në epërsi ndaj Portugalisë
Gjeorgjia ka kaluar në epërsi ndaj Portugalisë që në minutën e dytë.
Khvicha Kvaratskhelia shënoi që në minutën e dytë.
Ronaldo vendos edhe një rekord
Cristiano Ronaldo starton për Portugalinë ndaj Gjeorgjisë dhe kështu e vendos edhe një rekord.
Ai bëhet futbollisti i parë evropian me 50 paraqitje në ngjarje të mëdha.
Lista e rekordeve të Ronaldos është e gjatë.
Nëse shënon gol do të vendosë disa rekorde të tjera.
