Gavi mbërriti të dielën në mëngjes në Berlin për ta përkrahur Spanjën në finale. Ai u ftua nga selektori Luis de la Fuente dhe presidenti i federatës spanjolle, Pedro Rocha.
“Jam shumë krenar dhe shumë i lumtur që jam me bashkëlojtarët. Ata e merituan. Ndihem shumë i kënaqur, i kam parë të gjitha ndeshjet dhe i kam mbështetur sepse ndjehem sikur jam pjesë e këtij ekipi dhe këtij vendi”, ka thënë Gavi.
19-vjeçari është duke u përballur me një lëndim të rëndë që e pësoi muaj më parë me skuadrën e Barcelonës. Për këtë edhe mbeti jashtë Evropianit.
Me Spanjën, Gavi ka zhvilluar 27 ndeshje dhe ka realizuar pesë gola.
