Franca është kualifikuar si e dyta nga Grupi D në fazën eliminatore të Kampionatit Evropian “Gjermania 2024”. Francezët nuk fituan ndeshjen e tyre të fundit përballë Polonisë, që ishin pa gjasa për avancim tutje.
Franca përfundoi me pesë pikë nga tri ndeshje, kurse Austria siguroi kalimin tutje pas fitores 3:2 ndaj Holandës, që po ashtu kalon tutje nga pozita e tretë. Polonia përfundoi e fundit me një pikë.
Ylli i ri i Real Madridit, Kylian Mbappe shënoi nga penalltia golin e epërsisë 1:0. Ai ishte i saktë në gjuajtjen e tij nga pika e bardhë në minutën e 56-të.
Nga penalltia i saktë ishte edhe ylli i Barcelonës, Robert Lewandowski. Ai barazoi rezultatin në minutën e 79-të. Golin e barazimit e shënoi vetëm pas tentimit të tij të dytë. Ai shënoi pas përsëritjes së penalltisë. U vlerësuar se portieri i Francës kishte kaluar me të dyja këmbët vijën fundore.
Gjatë 90 minutave, Franca ishte skuadër më dominuese në fushë. Pati më shumë raste shënimi. Por shënoi vetëm një gol dhe atë nga penalltia.
Për Mbappen ishte goli i parë i shënuar në këtë Evropian. Ai u paraqit me maskë për shkak të hundës së thyer gjatë ndeshjes së parë ndaj Holandës që pati përfunduar pa gola. Franca e fitoi ndeshjen e dytë pa Mbappen në fushë kundër Austrisë me rezultatin 1:0.
Polonia barazon, Lewandowski shënon pas dy tentimeve nga penalltia
Robert Lewandowski humbi penalltinë e parë. Por ai ishte i saktë në gjuajtjen e dytë në minutën e 79-të, pasi VAR-i intervenoi që penalltia të përsëritej.
Ndeshja në Dortmund është barazuar 1:1.
VIDEO:
Lewandowski with one of the worst penalties you will ever see 😭😭 pic.twitter.com/4BNGQTmAn0
— Footy Humour (@FootyHumour) June 25, 2024
🚨🚨| GOAL; LEWANDOWSKI WITH THE EQUALISER!!!
— CentreGoals. (@centregoals) June 25, 2024
France 1-1 Poland pic.twitter.com/b7lO37sUZS
Mbappe shënon golin e parë në Euro 2024
Kylian Mbappe e ka shënuar golin e parë për Francën në Euro 2024.
Ai shënoi nga pika e bardhë në minutën e 56-të. Një minutë më herët penalltinë e siguroi Ousmane Dembele.
VIDEO:
🚨GOAL: France 1-0 Poland!
— Euro 24 Hub (@Euro24Hub) June 25, 2024
MBAPPE SCORES HIS FIRST EURO GOAL! 🇫🇷 pic.twitter.com/XvS3oZRTwI
Francës i mungoi vetëm goli në pjesën e parë
Photo: Associated Press
Francës i mungoi vetëm goli në pjesën e parë kundër Polonisë.
Franca e udhëhequr në sulm nga lojtari i ri i Real Madridit, Kylian Mbappe krijoi shumë raste shënimi gjatë pjesës së parë kundër polakëve, por nuk shënoi asnjë gol.
Kjo ndeshje po luhet në Dortmund dhe i takon Grupit D të Euro 2024.
Mbappe në formacionin startues
Kylian Mbappe
Kylian Mbappe është rikthyer në formacionin startues të Francës për ndeshjen ndaj Polonisë, e cila nis nga ora 18:00.
Mbappe mungoi ndaj Holandës. Ai do të luajë me maskë pasi theu hundën ndaj Austrisë.
Një tjetër befasi në formacionin e Francës është Bradley Barcola, i cili starton krah Mbappes, bashkë me Ousmane Dembele.
Robert Lewandowski i prin Polonisë, e cila veçse është eliminuar.
