Në prag të ndeshjes së dytë të Francës kundër Holandës në Leipzig, trajneri Didier Deschamps dha një informatë për gjendjen e Kylian Mbappes.
Ai pret ta ketë gati lojtarin e ri të Real Madridit për ndeshjen ndaj Holandës.
Ndeshja në mes të Holandës dhe Francës luhet të premten nga ora 21:00 dhe i takon Grupit D.
“Gjithçka po shkon në drejtimin e duhur pas tronditjes së madhe. Ai ka bërë një aktivitet të vogël të mërkurën. Kështu do të jetë edhe në mbrëmje. Është duke lëvizur në drejtimin e duhur për të siguruar që të jetë në dispozicion ndaj Holandës”, ka thënë Deschamps.
Franca dhe Holanda kanë shënuar fitore në ndeshjet e tyre të para.
