Një zjarr i madh ka shpërthyer në një rafineri nafte në periferi të Erbilit në rajonin gjysmë autonom kurd të Irakut.
Disa tanke magazinimi që përmbanin naftë dhe asfalt të lëngshëm morën flakë në rafinerinë, e cila ndodhet në rrugën kryesore Erbil-Gwer, thanë zyrtarët, raporton AP.
Dy shtëllunga të mëdha tymi u panë të dilnin nga rafineria mëngjesin e së enjtes.
Dhjetëra ekipe zjarrfikëse të Zjarrfikësve të Erbilit kanë shkuar në vendin e ngjarjes për të shuar zjarrin.
