Ushtria siriane tërhiqet edhe nga qyteti Hama pas përparimit të rebelëve

Ushtria siriane ka thënë se po tërhiqet nga qyteti qendror i Hamës, duke shënuar një fitim të dytë të madh për rebelët që gjithashtu pushtuan Alepon javën e kaluar.

“Gjatë orëve të fundit, me intensifikimin e konfrontimeve midis ushtarëve tanë dhe grupeve terroriste dhe rritjen e një numri martirësh në radhët tona, këto grupe mundën të depërtonin në disa pjesë të qytetit dhe të hynin në të”, ka thënë ushtria siriane në një deklaratë të transmetuar nga agjencia shtetërore e lajmeve SANA.

Alepo, qyteti i dytë më i madh i Sirisë, u rimor javën e kaluar nga grupet rebele pas një ofensive të papritur.

Ofensiva ishte një pengesë e madhe për presidentin sirian, Bashar al Assad dhe mbështetësit e tij në Iran dhe Rusi, dhe ka rindezur një luftë civile që kishte qenë kryesisht e fjetur për vite me radhë.

Hama ndodhet në një udhëkryq të rëndësishëm në Sirinë perëndimore-qendrore, duke siguruar linja të drejtpërdrejta furnizimi midis kryeqytetit Damask dhe Alepos.