23:32 - Forcat detare ruse shkëpusin Ukrainën nga tregtia ndërkombëtare detare
Ministria e Mbrojtjes e Mbretërisë së Bashkuar ka thënë se forcat ruse kanë bllokuar bregun e Detit të Zi të Ukrainës, duke e shkëputur vendin nga tregtia ndërkombëtare detare.
Një përditësim i inteligjencës i postuar në Twitter të Ministrisë të dielën tha: "Forcat detare ruse kanë vendosur një bllokadë të largët të bregut të Detit të Zi të Ukrainës, duke e izoluar në mënyrë efektive Ukrainën nga tregtia ndërkombëtare detare".
Sipas Organizatës Botërore të Tregtisë, tregtia përmes detit përbën më shumë se 80% të vëllimit të tregtisë botërore.
Konferenca e inteligjencës së Ministrisë së Mbrojtjes së Mbretërisë së Bashkuar tha gjithashtu se forcat detare ruse "po vazhdojnë të kryejnë sulme me raketa kundër objektivave në të gjithë Ukrainën" dhe se Moska ka kryer "një ulje amfibe në Detin Azov dhe mund të kërkojë të kryejë operacione të tjera të tilla në javët e ardhshme".
Një ulje amfibe është një sulm ushtarak i forcave të koordinuara tokësore, detare dhe ajrore.
23:25 - Ukrainasit pengojnë përpjekjen ruse drejt Kievit
Ushtria ukrainase ka kërcënuar një përpjekje të automjeteve ushtarake ruse për të kaluar lumin Irpin në një urë ponton pranë Hostomel, tregon një imazh i ri satelitor nga Maxar Technologies.
Ura u shfaq për herë të parë në imazhet satelitore nga Maxar të enjten, më 10 mars, dhe në atë foto, duket se është shkatërruar. Një foto shtesë, e publikuar në rrjetet sociale më 13 mars, tregon gjithashtu urën e pontonit të shkatërruar, përveç automjeteve ushtarake ruse aty pranë.
CNN ka gjeolokuar dhe konfirmuar vërtetësinë e fotos së postuar në rrjetet sociale.
23:15 - Zelenskyy u kërkon gjigantëve të teknologjisë që t'i japin fund mbështetjes së produkteve të Rusisë
22:24 - Bisedimet Rusi-Ukrainë vazhdojnë të hënën
Mykhailo Podoliak- këshilltari i presidentit ukrainas ka thënë të dielën se negociatat Ukrainë-Rusi do të mbahen të hënën.
Ai përmes një postimi në Twitter ka thënë “Përsëri. Negociatat do të mbahen përsëri në formë të video konferencës. Grupet tona punuese vazhdimisht janë në funksion. Një numër i madh i çështjeve kërkojnë vëmendje. Të hënën do të mbahet seanca negociuse për të përmbledhur rezultatet paraprake”.
21:20 - Rusia i ka kërkuar Kinës pajisje ushtarake që nga fillimi i pushtimit
Zyrtarët amerikanë thonë se Rusia ka kërkuar pajisje ushtarake nga Kina që nga fillimi i pushtimit, sipas Financial Times.
19:33 - Kuleba-Blinken: Duhet bërë më shumë për të ndaluar agresionin rus
Ministri i Jashtëm i Ukrainës Dmytro Kuleba ka zhvilluar sot një bisedë telefonike me sekretarin amerikan të Shtetit Antony Blinken.
Kuleba në një postim në Twitter ka dhënë detaje nga biseda me zyrtarin e lartë amerikan.
“Ne koordinuam mbështetjen e mëtejshme për Ukrainën. Të dy jemi dakord se duhet bërë më shumë për të ndaluar agresionin rus dhe për ta mbajtur Rusinë përgjegjëse për krimet e saj”, ka shkruar Kuleba.
Ai ka falënderuar SHBA-në për qëndrimin e vendosur pranë popullit ukrainas, duke thënë se Ukraina do të fitojë përballë agresionit rus.
19:30 - Bisedimet Rusi-Ukrainë janë duke vazhduar
Këshilltari presidencial ukrainas Oleksiy Arestovych i tha televizionit kombëtar se bisedimet me Rusinë janë duke vazhduar.
Ai tha se situata në Mariupol është një fokus i veçantë për autoritetet ukrainase.
Kolona humanitare sërish nuk arriti në qytet, ku mijëra njerëz janë bllokuar në kushte të tmerrshme dhe granatime të pamëshirshme ruse.
“Bisedimet po vazhdojnë tani”, tha Arestovych, duke shtuar se Ukraina ka mjaft trupa të dislokuara në Mariupol për të parandaluar kapjen e tij nga forcat ruse.
Kjo u kundërshtua nga Rusia, megjithatë, nga agjencia e lajmeve RIA është cituat zëdhënësi i Kremlinit, Dmitry Peskov të ketë thënë se derisa bisedimet janë planifikuar për të hënën, ato janë duke vazhduar tani.
18:01 - Kuleba shtetasve të huaj: Mos iu bashkoni trupave ruse, do të shpalleni kriminelë
Shefi i diplomacisë së Ukrainës Dmytro Kuleba ka paralajmëruar shtetasit e huaj që të mos iu bashkohen trupave ruse gjatë agresionit ushtarak kundër vendit të tij, pasi që ata do të shpallen kriminelë lufte në gjykatat ndërkombëtare.
Në një postim në Twitter, Kuleba ka shkruar se Rusia po zhvillon një luftë agresioni kundër Ukrainës.
“Unë paralajmëroj shtetasit e huaj që mund të nxiten të bashkohen me forcat pushtuese ruse: mos e bëni. Tashmë kemi nisur çështjet në gjykatat ndërkombëtare. Edhe nëse mbijetoni, do të jeni kriminelë lufte. Nuk ia vlen as paratë, as ndonjë gjë tjetër”, ka shkruar ai.
17: 43 - Shkolla e mesme granatohet nga rusët në Mykolaiv
Ministria e Punëve të Jashtme e Ukrainës ka postuar në Twitter një video të asaj që thotë se është një shkollë e mesme në Mykolaiv, ose Nikolaev, një qytet pranë Detit të Zi në jug të vendit.
Pretendimet vijnë nga administrata shtetërore rajonale dhe guvernatori Vitaly Kim sot.
17:37 - Zyrtarët e Mariupolit thonë se rreth 2,200 civilë janë vrarë nga ofensiva ruse
Derisa një autokolonë e shumëpritur humanitare mbetet në një distancë nga Mariupoli, thanë zyrtarët në qytetin e rrethuar, ajo ka pësuar 22 sulme me bomba në 24 orët e fundit.
“Deri më sot, 2,187 banorë të Mariupolit kanë vdekur nga sulmet e Rusisë”, tha këshilli i qytetit. Kjo është një rritje e mprehtë në krahasim me shifrën prej rreth 1600 të shpallur më herët.
“Situata në Mariupol vazhdon të jetë shumë e vështirë. Qyteti nuk ka energji elektrike, ujë, ngrohje, pothuajse nuk ka komunikim celular, po mbaron ushqimi dhe uji”, thanë zyrtarët.
Këshilli akuzoi forcat ruse dhe milicinë separatiste që i mbështesin ata se “qëlluan qëllimisht në lagjet e banuara”. Ai tha se një pjesë e Universitetit Shtetëror të Mariupolit ishte granatuar të dielën.
16:34 - 85 fëmijë të vrarë në Ukrainë që nga fillimi i pushtimit
Pushtimi rus i Ukrainës ka vrarë 85 fëmijë dhe ka plagosur më shumë se 100 të tjerë, tha sot një zyrtar ukrainas.
Viktimat vijnë pasi "bombardimet e qëllimshme dhe brutale ndaj civilëve nga Rusia vazhdojnë", tha prokurorja e përgjithshme e Ukrainës, Irina Venediktova në një postim në Twitter.
Ajo tha se janë dëmtuar edhe 369 institucione arsimore, 57 prej të cilave janë shkatërruar në sulme.
Papa Françesku iu përgjigj gjakderdhjes në Ukrainë të shtunën, duke bërë thirrje për t'i dhënë fund luftës dhe duke theksuar ndikimin te fëmijët.
15:43 - Klitschko i druhet një sulmi potencial rus me armë kimike apo biologjike
15:35 - Senatori amerikan: Dërgimi i avionëve luftarakë në Ukrainë është thelbësor
Dërgimi i avionëve luftarakë në Ukrainë, përfshirë MiG-19, është thelbësor pasi Rusia intensifikon sulmet e saj ndaj vendit, ka thënë të dielën senatori amerikan, Rob Portman, bashkëkryetar i grupit parlamentar të Ukrainës.
15:10 - Itali, vdiq një 32-vjeçare në aksidentimin e autobusit me refugjatë nga Ukraina
Një grua 32-vjeçare dhe dy fëmijët e saj të moshës 10 dhe 5 vjet, ishin në mesin e 22 refugjatëve ukrainas që kishin ikur nga lufta, siç raportojnë disa medium italiane.
14:52 - Bomba e pashpërthyer largohet nga objekti banesor në Chernihiv
14:47 - Ukraina akuzon se Rusia përdori bomba me fosfor në sulmet në Popasna
14:31 - Vritet në afërsi të Kievit një gazetar amerikan
Ndaj dy gazetarëve ishte shtënë nga forcat ruse.
Gazetari Brent Renaud, është vrarë në këtë sulm. Një gazetar tjetër është dërguar në spital për trajtim. Ishte raportuar se Renaud ka qenë i angazhuar për New York Timesin në Ukrainë, mirëpo nga New York Times kanë demantuar këtë dhe kanë thënë se ai ka qenë me gazetën i angazhuar disa vite më parë.
13:31 - Mbi 14,000 protestues të arrestuar në Rusi
Më shumë se 14,000 njerëz janë arrestuar në Rusi për protesta kundër luftës në Ukrainë.
Sipas një organi të pavarur të të drejtave të njeriut në Rusi, këta mijëra njerëz që kanë dalë kundër pushtimit të Ukrainës, janë arrestuar në 112 qytete, raporton the Guardian.
13:37 - Ukrainë, afro 125 mijë qytetarë janë evakuuar nëpërmjet korridoreve humanitare
Presidenti i Ukrainës, Volodymyr Zelensky, ka thënë se afro 125 mijë persona janë evakuuar nga zonat e konfliktit në Ukrainë nëpërmjet korridoreve humanitare, raporton “The Guardian”.
13:19 - Bisedimet e reja Rusi-Ukrainë pritet të zhvillohen javën e ardhshme
"Sapo të përpunohen formatet e ndërsjella kundër-ligjore, do të planifikohet një takim, raundi i katërt i negociatave. Mund të jetë nesër, pasnesër”, i tha Podoliak agjencisë shtetërore të lajmeve Bjelloruse, Belta të dielën.
13:06 - Shërbimet inteligjente: Ndryshimi në personalitet i Putinit mund të jetë rezultat i ndonjë sëmundje
12:58 - Papa Françesku: Ndaleni masakrën
Papa Françesku ka thënë se ukrainasit po masakrohen, ndërsa bëri thirrje që pushtimi të ndalet.
Kështu është shprehur ai në fjalimin e tij të së dielës në Vatikan.
12:52 - Zelensky: Rusia po mundohet të krijojë pseudo-republika
Presidenti i Ukrainës, Volodymyr Zelensky, ka thënë se Rusia është duke tentuar të krijojë pseudo-republika në territorin e Ukrainës.
Rusia para pak javëve njohu si të pavarura rajonet separatiste të Ukrainës, Donetzkun e Luhanskun.
Zelensky po thotë se ngjashëm Rusia po tenton të krijojë një pseudo-republikë edhe në Kherson.
12:03 - Autobusi me 50 shtetas ukrainas aksidentohet në Itali, një i vdekur
12:00 - Nëntë të vrarë nga sulmet ajrore në Mukolaiv të Ukrainës
Nëntë persona janë vrarë të dielën në sulmet ajrore në qytetin jugor të Ukrainës, Mukolaiv.
11:53 - Shkon në 35 numri i të vdekurve nga sulmi në bazën ushtarake në afërsi të Lvivit
Maksym Kozytskyy në rrjetet sociale ka treguar se numri i të vdekurve ka shkuar nga nëntë në 35 dhe se 134 persona janë lënduar në sulmin në bazën ushtarake në Yavoriv që gjendet në periferi të Lvivit.
11:42 - Shkatërrohet një ndërtesë në Chernihiv nga sulmi ajror rus
Së paku një person ka vdekur dhe një tjetër është lënduar, ndërsa janë shpëtuar shtatë tjerë.
11:20 - Forcat ruse kanë kidnapuar kryebashkiakun e një qyteti ukrainas
Yevhen Matveyev është kryebashkiaku i dytë që pretendohet se është kidnapuar nga forcat ruse në tre ditët e fundit, pasi te premten u raportua për arrestimin e kryebashkiakut të Melitopolit.
11:09 - Presidenti polak: Përdorimi i armëve kimike mund të nxisë ndërhyrjen e NATO-s
Përdorimi i armëve kimike nga Rusia në Ukrainë mund ta shtyjë NATO-n të rishqyrtojë vendimin e saj për të mos ndërhyrë ushtarakisht në konflikt, ka thënë presidenti i Polonisë, Andrzej Duda.
Në një intervistë për BBC-në, Duda tha se beson që presidenti rus, Vladimir Putin, mund të përgatitej të përdorte armë kimike dhe se nuk është i befasishëm asnjë veprim i tij.
10:10 - Sulmet ajrore ruse dëmtojnë një manastir historik ukrainas
Një sulm ajror ka dëmtuar manastirin historik ukrainas Sviatogirsk Lavra, në rajonin Dobetsk Oblast, ka njoftuar Parlamenti i Ukrainës në Telegram.
09:24 - Nëntë të vdekur nga sulmi ajror në bazën ushtarake në afërsi të Lvivit
Guvernatori i Lvivit ka thënë se nëntë persona kanë vdekur pas një sulmi rus me raketa në Qendrën Ndërkombëtare për Paqeruajtje dhe Siguri, ndërsa janë lënduar 57 të tjerë, raporton Reuters.
Maksym Kozytskyy ka treguar se 30 raketa janë hedhur në bazën ushtarake që gjendet rreth 50 kilometra në jugperëndim të Lvivit dhe rreth 25 kilometra nga kufiri me Poloninë. Sulmi ka ndodhur rreth orës 6 të mëngjesit të dielën.
09:05 - Inteligjenca britanike: Rusia po paguan çmim të lartë me çdo avancim në Ukrainë
Në raport thuhet se forcat ruse po tentojnë t’i rrethojnë forcat ukrainase.
08:38 - Ukraina pretendon për mbi 12 mijë ushtarë rusë të vrarë e 374 tanke të shkatërruara
Ushtria e Ukrainës në raportin e saj të përditshëm ka thënë se mbi 12 mijë ushtarë rusë janë vrarë që kur ka nisur ofensiva ruse në Ukrainë më 24 shkurt.
Sipas raportit të publikuar në Facebook, thuhet se janë shkatërruar edhe 374 tanke ruse, 1226 mjete të blinduara dhe 140 sisteme të artilerisë.
Është raportuar për 74 aeroplanë luftarakë të shkatërruar e 86 helikopterë luftarakë.
Forcat ruse janë duke e bombarduar qytetin ukrainas Lviv, raporton BBC.
Zyrtarët ushtarak të Lvivit kanë treguar se forcat ruse kanë kryer sulme ajrore dhe kanë hedhur tetë raketa në drejtim të Qendrës Ndërkombëtare të Paqeruajtjes dhe Sigurisë.
Qendra gjendet në qarkun Yavoriv, rreth 30 kilometra në veriperëndim të Lvitit dhe është fushë e stërvitjes ushtarake.
Është parë zjarr i madh nga ajo zonë.
Në të vërtetë sirenat janë ndezur në disa pjesë të Ukrainës këtë mëngjes për të alarmuar për sulmet ruse, siç njofton agjencia e lajmeve “Ukrinform”.
Alarmet janë ndezur në Zhytomyr, që gjendet në perëndim të kryeqendrës Kiev, e po ashtu edhe në Ternopil, Rivne dhe Ivano-Frankivsk.
Kryebashkiaku i Ivano-Frankivsk ka treguar se forcat ruse kanë bombarduar aeroportin e qytetit.
“Sipas informatave preeliminare, shpërthimet këtë mëngjes ishin nga sulmi në një aeroport. Jua kujtoj se synimi i armikut është të ngjallë panik e frikë”, ka shkruar Ruslan Martsinkiv në Facebook.
Qyteti është rreth 114 kilometra në jug të Lvivit, ku është goditur një bazë ushtarake.
Large Columns of Smoke can be seen rising from the direction of the Yavoriv Military Training Ground 25 miles to the Northwest of the Western Ukrainian city of Lviv which was reportedly hit by Russian Airstrikes a little bit ago. pic.twitter.com/nW4fQ0EiL8
— OSINTdefender (@sentdefender) March 13, 2022
c
