Ushtria e Ukrainës ka njoftuar se ka rrëzuar tre avionë luftarakë rusë të premten në jug të vendit.
Tre aeroplanë luftarakë Su-34 u rrëzuan mbi rajonin Kherson, njoftoi forca ajrore ukrainase, shkruan BBC.
Presidenti ukrainas Volodymr Zelensky falënderoi ushtarakët që kishin rrëzuar aeroplanët, duke thënë se incidenti kishte ndodhur në rajonin Kherson të shkatërruar nga lufta.
Moska deri tani nuk ka komentuar mbi pretendimet, por blogerët me ndikim rusë kanë raportuar humbje. Në fjalimin e tij të natës të premten, Zelensky tha se rrëzimi i avionëve do t'i bënte pilotët rusë që sulmonin objektivat në Ukrainë të vetëdijshëm se "asnjë prej tyre nuk do të kalonte pa u ndëshkuar".
Ai tha gjithashtu se kishte folur me kryeministrin holandez Mark Rutte për dorëzimin e ardhshëm të avionëve F-16, si dhe një paketë të re mbështetjeje nga BE. Ukraina po përballet me një mungesë municionesh ndërsa vazhdon të luftojë forcat pushtuese ruse, pas pushtimit në shkallë të plotë të Moskës në shkurt 2022.
