Ukraina ka shkatërruar një urë me rëndësi strategjike mbi lumin Seym, ndërsa vazhdon inkursionin në rajonin Kursk të Rusisë.
Ura përdorej nga Kremlini për të furnizuar trupat e tij dhe shkatërrimi i saj mund t’i pengojë përpjekjet e Rusisë.
Presidenti ukrainas, Volodymyr Zelensky, ka thënë se trupat e tij po forconin pozicionet në Kursk, ndërsa ka lënë të kuptohet se territoret e kapura ruse mund të shkëmbehen me rajonet ukrainase të okupuara nga Moska, raportoi BBC.
Tashmë në javën e dytë, inkursioni i Ukrainës brenda Rusisë është më i thelli i saj që kur Moska nisi pushtimin mbi dy vjet më parë.
Operacioni u Ukrainës ka rezultuar në largimin e mbi 120,000 njerëzve nga rajonet ruse.
Megjithatë, Kievi vazhdimisht ka mbrojtur qëndrimin se nuk dëshiron ta okupojë Rusinë.
Moska thotë se raketat amerikane u përdorën për ta shkatërruar urën kyçe të saj
Moska ka thënë se Ukraina ka gjasa se ka përdorur raketat e SHBA-së për të shkatërruar urën mbi lumin Seym në Kursk.
“Për herë të parë, rajoni Kursk është goditur nga raketahedhësit e Perëndimit, me gjasë HIMARS amerikanë. Si rezultat i sulmin në urën mbi lumin Seym në distriktin Glushkovo, është shkatërruar krejtësisht, dhe vullnetarët që po ndihmonin në evakuimin e civilëve janë vrarë”, ka thënë zëdhënësja e Ministrisë së Jashtme ruse, Maria Zakharova.
