Ukraina lëshon 47 dronë drejt rajoneve perëndimore të Rusisë

Njësitë e mbrojtjes ajrore të Rusisë kanë shkatërruar 47 dronë ukrainas që kishin për synim perëndimin e vendit, ka thënë Ministria e Mbrojtjes të mërkurën, ndërsa zyrtarët rajonalë kanë thënë se sulmet nuk kanë shkaktuar viktima.

Rreth 24 dronë janë rrëzuar mbi rajonin kufitar jugperëndimor Bryansk, e të tjerët janë shkatërruar mbi rajonet Belgorod, Kursk, Rostov dhe Krasnodar, si dhe mbi Detin Azov, ka thënë Ministria në Telegram.

Një zjarr i nisur nga mbeturinat që kanë rënë në një zonë të rajonit jugor Rostov është shuar, ka thënë guvernatori rajonal Vasily Golubev në Telegram, duke shtuar se nuk ka pasur dëme të tjera.

Kreu i Bryanskit, Aleksander Bogomaz ka thënë se shërbimet emergjente kanë arritur në zonat ku kanë rënë mbetjet, pa treguar nëse janë shkaktuar dëme.