-
Përktheu:
Flutura Gashi-Mehmeti
- 24 prill 2025 13:33
- Shpërndaje në:
Presidenti amerikan, Donald Trump, po planifikon të kursejë prodhuesit e veturave nga disa nga tarifat e tij më të vështira, pas lobimit intensiv nga drejtuesit e industrisë gjatë javëve të fundit, sipas një raporti në Financial Times.
Burimet i kanë thënë gazetës se presidenti amerikan mund të përjashtojë tarifat për pjesët e veturave që vijnë nga Kina, ndërsa gjithashtu të vendosë detyrime për çelikun dhe aluminin e importuar.
Përjashtimet, megjithatë, do të linin në fuqi tarifën prej 25% që Trumpi ka vendosur për të gjitha importet e veturave të prodhimit të huaj.
Lëvizja e Trumpit pason kritikat ndaj taksave nga drejtuesit e industrisë së veturave, të cilët i kanë bërë jehonë paralajmërimeve se tarifat do të rrisnin çmimet e veturave në SHBA, do të dëmtonin fitimet e prodhuesve të tyre dhe furnizuesve të pjesëve dhe do të prishnin operacionet e ndërthurura të prodhimit nëpër vende.
John Elkann, kryetari i Stellantis, prodhuesi i veturave që zotëron markat Fiat dhe Chrysler, ka paralajmëruar se "industritë amerikane dhe evropiane të veturave po vihen në rrezik" nga politika tregtare e Trumpit.
