Ish-presidenti Shteteve të Bashkuara të Amerikës, Donald Trump, pas një takimi me kryetarin e Dhomës së Përfaqësuesve të Kongresit amerikan, Mike Johnson, tregoi se nuk është kundër dhënies së ndihmës për Ukrainën në formë kredie.
Kandidati republikan për president në zgjedhjet e nëntorit ka thënë se po mendojnë që Ukrainës t’ia japin ndihmën në formën e një huaje dhe “jo thjesht si dhuratë”.
“Ne vazhdojmë të shpërndajmë miliarda e miliarda dollarë, por duhet të shikohet”, vazhdoi Trump.
Ai shtoi se është shumë më e rëndësishme që Evropa të ofrojë më shumë para.
“Ata duhet të jenë të barabartë. Ata janë prekur shumë më tepër se ne”, ka thënë Trump.
Më 12 prill, kryetari i Dhomës së Përfaqësuesve Mike Johnson dhe zyrtarët e Shtëpisë së Bardhë diskutuan një paketë që ndryshon nga paketa e propozuar prej 95 miliardë dollarësh nga Senati dhe përfshin disa kërkesa republikane për ndihmën ndaj Ukrainës. Pas kësaj, Johnson shkoi për t'u takuar me Trumpin.
Për muaj të tërë, Trumpi ka qenë skeptik për ndihmën e mëtejshme të SHBA-së për Ukrainën, duke argumentuar se nuk është thelbësore për interesat jetike të SHBA-së.
Demokratët në të dyja dhomat e Kongresit kanë treguar gatishmëri të marrin në konsideratë dhënien e ndihmës për Ukrainën nëse kjo ndihmon për të zgjidhur përfundimisht çështjen. Megjithatë, nuk është opsion i dëshirueshëm për ta.
Presidenti ukrainas Volodymyr Zelensky ka thënë së fundmi se Ukraina do të pranojë kredi nga SHBA-ja në mungesë të opsioneve të tjera.
